మోసపోయిన దాసరి!

డబ్బు విషయంలో దాసరి నారాయణరావు చాలా జాగ్రత్తపరుడని సినిమా పరిశ్రమలోని ప్రముఖులందరికీ తెలుసు. ఆయన మాట విషయంలోనే భోళా కానీ మనీ విషయంలో కాదు. ఆ విషయంఉ"ఉదయం"లో పని చేసిన జర్నలిస్టులకు బాగా తెలుసు. దాసరి నారాయణరావు కేంద్ర మంత్రిగా ఉన్నప్పుడు ఆయన చుట్టూ ఉన్న ఆ నలుగురూ పైరవీలు చేసుకుని కోట్లాది రూపాయలు సంపాదించారట. కేంద్ర ఇంటిలిజెన్స్ వర్గాలు ఈ విషయాన్ని ప్రధాన మంత్రికి చేరవేయడంతో దాసరి మంత్రి పదవి ఊడిపోయింది.

ఇటీవల దాసరి సన్నిహితుడే ఆయనను దారుణంగా మోసగించాడని తెలుస్తోంది. దాసరికి రావలసిన పెద్ద మొత్తాన్ని వసూలు చేసుకుని అతను మొహం చాటేస్తున్నట్టు సమాచారం. దాసరి పంపించారంటూ ఢిల్లీ వెళ్ళిన ఆ వ్యక్తి, దాసరి ముందస్తుగా చేసిన సంతకాలున్న కాగితాలను ఇచ్చి కోట్లలో మొత్తాన్ని తీసుకుని హైదరాబాద్ వచ్చి దాసరికి కన్పించకుండా జంప్ జిలానీ అయ్యాడని చెబుతున్నారు. దాసరి ఢిల్లీలి ఫోన్ చేయగా, ఆ డబ్బును మీ మనిషికి ఇచ్చామని వారు చెప్పారట. తన మనిషిని పిలిపించి దాసరి మందలించగా" అవును, నాకు అవసరమైంది, వాడుకున్నాను, డబ్బు వచ్చినప్పుడు ఇస్తాను" అని తాపీగా చెప్పడంతో సినిమా ఫక్కీలో షాక్ తినడం దాసరి వంతు అయింది.