నారా లోకేష్‌పై జూ. ఎన్టీఆర్ పంజా

By Pratap

Published: Saturday, October 8, 2011, 8:32 [IST]

తెలుగుదేశం పార్టీ అధ్యక్షుడు నారా చంద్రబాబు నాయుడి కుమారుడు నారా లోకేష్‌పై తెలుగు సినిమా హీరో జూనియర్ ఎన్టీఆర్ పంజా విసిరారు. చంద్రబాబుతో తీవ్రంగా విభేదిస్తున్న జూనియర్ ఎన్టీఆర్ తానొక్కడై పార్టీని కూడా సొంతం చేసుకోవాలనే ప్రయత్నాల్లో ఉన్నట్లు ప్రచారం జరుగుతోంది. ఇందులో మొదటగా ఆయన స్టూడియోఎన్‌ను నారా లోకేష్ నుంచి తప్పించినట్లు వినికిడి. తన మామ నార్నే స్థాపించిన స్టూడియోఎన్‌ టీవీ చానెల్ గతంలో నారా లోకేష్ చేతుల్లోకి వెళ్లింది. తద్వారా అది చంద్రబాబుకు మౌత్ పీస్‌గా మారిపోయింది.

ఆ చానెల్ ఇప్పుడు జూనియర్ ఎన్టీఆర్ మామ చేతుల్లోకి వచ్చింది. తన తండ్రి నందమూరి హరికృష్ణతో విభేదాలతో తనను బలిపశువును చేయడానికి చంద్రబాబు ప్రయత్నిస్తున్నారని జూనియర్ ఎన్టీఆర్ తీవ్ర ఆగ్రహంతో ఉన్నట్లు తెలుస్తోంది. దీంతో ఎన్టీఆర్ ఇటు బాబాయ్ బాలకృష్ణకు, అటు చంద్రబాబుకు కూడా దూరమైనట్లు చెబుతున్నారు. అందువల్లనే ఆయన ఊసరవెళ్లి సినిమా ఆడియో విడుదల కార్యక్రమం నందమూరి హీరోలు ఎవరూ లేకుండానే జరిగిపోయింది. ఏమైనా, మరోసారి నందమూరి కుటుంబ సభ్యులపై ఎన్టీఆర్ ఒంటరి పోరాటానికి దిగారని అంటున్నారు.

Published On October 8, 2011