వైయస్ జగన్ నోళ్లు నొక్కేశారా?

ఊరంతా నోరు చేసుకునే అంబటి రాంబాబును వైయస్సార్ కాంగ్రెసు పార్టీ అధ్యక్షుడు విస్మరిస్తున్నారనే మాట పాతదే. తాజాగా, అధికార ప్రతినిధుల నోళ్లను ఆయన మూసేసినట్లు వినికిడి. పార్టీ విషయాలను వెల్లడించడానికి ఆయన అంబటి రాంబాబు, రోజా, గట్టు రామచంద్ర రావు వంటివారితో అధికార ప్రతినిధులను వేశారు. తొలుత వారంతా మైకుల ముందు తమ తడాఖాను చూపించారు. కానీ ఇటీవలి కాలంలో వారి మాటలు వినిపించడం లేదు. వైయస్ జగన్ ఆదేశాల మేరకే వారు నోళ్లు మూసుకున్నట్లు ప్రచారం జరుగుతోంది.

పార్టీ తరఫున మాట్లాడేందుకు సలహాదారు సిసి రెడ్డిని మాత్రమే అనుమతిస్తున్నట్లు తెలుస్తోంది. సిసి రెడ్డి దివంగత నేత వైయస్ రాజశేఖర రెడ్డి కుటుంబానికి అత్యంత సన్నిహితుడు. వైయస్సార్ హయాంలో సిసి రెడ్డి ప్రభుత్వ సలహాదారుగా కూడా పనిచేశారు. కిరణ్ కుమార్ రెడ్డి ముఖ్యమంత్రి అయిన తర్వాత ఆయన తన పదవికి రాజీనామా చేశారు. ఇప్పుడు వైయస్ జగన్ పార్టీకి పెద్ద దిక్కుగా వ్యవహరిస్తున్నారు. అందుకే, వైయస్సార్ కాంగ్రెసు తరఫున ఏం మాట్లాడాల్సి వచ్చినా, ఎవరిని తిట్టాల్సి వచ్చినా ఆయన నోరు చేసుకుంటున్నారని అంటున్నారు.