• search

బండ్ల గణేష్-బొత్స లింక్స్‌పై కన్ను:కోటిచ్చి వచ్చాడు!

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Botsa Satyanarayana - Bandla Ganesh
    పవన్ కల్యాణ్ కథానాయకుడుగా వచ్చిన గబ్బర్ సింగ్ చిత్ర నిర్మాత బండ్ల గణేష్ ఇళ్లు, కార్యాలయం పైన దాడులు నిర్వహించిన ఆదాయపు పన్ను శాఖ అధికారులు మంగళవారం ఆయనను తమ కార్యాలయానికి తీసుకెళ్లి విచారించారు. గబ్బర్ సింగ్ సినిమా వసూళ్ల లెక్కల్లో తేడా చూపారనే అనుమానాలతో ఆదాయపు పన్ను శాఖ అధికారులు రెండు రోజుల పాటు నిర్వహించి, అతనిని విచారించారు.

    ఉదయం పదిన్నర గంటల నుండి దాదాపు ఒకటింటి వరకు గణేష్‌ను అధికారులు విచారించారు. సినిమా విజయోత్సవ ఫంక్షన్‌లో కలెక్షన్లపై గణేష్ స్వయంగా వెల్లడించిన వైనాన్ని టివిల క్లిప్పింగులను చూపించి మరీ అధికారులు ప్రశ్నించారట. తొలి సినిమా ఆంజనేయులు రూ.20 కోట్లతో నిర్మించినా ఏమీ వెనక్కి రాలేదని, రెండో సినిమా తీన్‌మార్ రూ.30 కోట్లతో నిర్మిస్తే అదీ అంతంత మాత్రమే నడిచింది.

    అయినప్పటికీ మూడో సినిమా గబ్బర్‌సింగ్ నలభై కోట్లు ఖర్చుపెట్టి ఎలా తీయగలిగారని అధికారులు ఆరా తీశారట. అంతేకాకుండా తదుపరి బాద్‌షా చిత్రం యాభై కోట్ల రూపాయలతో తీస్తుండటంతో దాని పైన, ఓ దర్శకుడికి ఇచ్చిన లక్షల విలువైన యాష్ ట్రే గురించి.. ఇలా అన్నింటి పైనా ప్రశ్నించినట్లుగా తెలుస్తోంది. అధికారుల ప్రశ్నలతో ఉక్కిరి బిక్కిరి అయిన బండ్ల గణేష్ దిక్కుతోచని స్థితిలో కోటి రూపాయల అడ్వాన్స్ టాక్స్ చెల్లించి బయటకు వచ్చారట.

    అదే సమయంలో ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణతో సంబంధాలపై కూడా స్కానింగ్‌లో ఉంచారట. బొత్సతో బండ్ల గణేష్‌కు మంచి సంబంధాలు ఉన్న విషయం తెలిసిందే. స్వయంగా గణేష్ ఈ విషయాన్ని ఓసారి చెప్పడం బొత్సపై విమర్శలు గుప్పించేందుకు టిడిపికి అప్పుడు అస్త్రం దొరికింది. బండ్ల గణేష్ ఇంటిపై దాడులు నిర్వహించినప్పటికీ బొత్సతో సంబంధాలపై అధికారులు ఓ కన్ను వేశారట.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Tollywood producer Bandla Ganesh's residence and office were raided by IT sleuths on Monday. Subsequently, the producer was called to the IT office on Tuesday to explain the documents seized from his office on Monday.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more