హైదరాబాదీ మటన్ దాల్చా.. ఇలా చేస్తే మళ్ళీ మళ్ళీ కావాలంటారు!

Updated: Friday, March 6, 2026, 16:49 [IST]

మటన్ దాల్చా.. చాలా ప్రోటీన్ ఉన్న మంచి పోషకాహారంగా మటన్ దాల్చా ను చెబుతారు. భారతదేశంలో తయారు చేయబడే అత్యంత పోషకాలు ఉండే ఆహారంలో మటన్ దాల్చా ఒకటి. ఇక అటువంటి మటన్ దాల్చా ను హైదరాబాదీ స్టైల్ లో చేస్తే చాలా బాగుంటుంది. ప్రస్తుతం మనం హైదరాబాదీ స్టైల్ మటన్ దాల్చా ఎలా తయారు చేసుకోవాలో తెలుసుకుందాం.

తయారీకి కావలసిన పదార్థాలు

మటన్- 500 గ్రాములు

శనగపప్పు- అర కప్పు

కందిపప్పు- అరకప్పు

సొరకాయ- కట్ చేసుకున్న ముక్కలు

ఉల్లిపాయ- ఒకటి కట్ చేసుకున్న ముక్కలు

టమాటాలు- రెండు కట్ చేసుకున్న ముక్కలు

అల్లం వెల్లుల్లి- ఒక స్పూన్

గరం మసాల- ఒక స్పూన్

బిర్యానీ ఆకులు రెండు

చింతపండు- 20 గ్రాములు రసం తీసినది

పచ్చిమిర్చి- నాలుగు

పసుపు -అర స్పూన్

ఉప్పు- రుచికి సరిపడినంత

దాల్చిన చెక్క- ఒక అంగుళం ముక్క

యాలుకలు- మూడు

లవంగాలు- మూడు

షాజీరా- హాఫ్ టీ స్పూన్

కొత్తిమీర కొద్దిగా

నూనె -మూడు టేబుల్ స్పూన్లు

Authentic Hyderabadi Mutton Dalcha Recipe The Ultimate Guide to prepare mutton dalcha

తయారీ విధానం

ముందుగా శనగపప్పు, కందిపప్పు లను కడిగి తగినన్ని నీళ్లు పోసి చిటికెడు పసుపు వేసి మెత్తగా ఉడికించి పక్కన పెట్టుకోవాలి. తర్వాత కుక్కర్ లో నూనె వేడి చేసి మసాలా దినుసులు వేసి, ఉల్లిపాయలు. పచ్చిమిరపకాయలు, అల్లం వెల్లుల్లి వేసి మగ్గించాలి. తర్వాత అందులో మటన్ ముక్కలు, పసుపు ,కారం, ధనియాల పొడి, టమాటాలు, పచ్చిమిర్చి, ఉప్పు, కొత్తిమీర వేసి మటన్ నూనెలో బాగా వేగే వరకు ఉడికించుకోవాలి.

మటన్ దాల్చా ఇలా చేస్తే సూపర్ టేస్ట్

దాదాపు 15 నిమిషాల పాటు మటన్ ను వేయించుకోవాలి. తర్వాత తగినంత నీళ్లు పోసి కుక్కర్ మూత పెట్టి మటన్ మెత్తబడే వరకు నాలుగు నుంచి ఐదు విజిల్స్ వచ్చేవరకు ఉడికించాలి. ఆ తర్వాత ఉడికించిన పప్పు, సొరకాయ ముక్కలు, చింతపండు పులుసు, గరం మసాలా, కొద్దిగా నీళ్లు వేసి సొరకాయ ముక్కలు మెత్తబడే వరకు దాల్చాని ఉడికించుకోవాలి. చివరగా కొత్తిమీర వేసి దించుకోవాలి.

ఇవి కూడా వేస్తే మటన్ దాల్చా బాగుంటుంది

కావాలంటే దీనిని మళ్లీ తాలింపు కూడా చేసుకోవచ్చు. అయితే సహజంగా చాలామంది మటన్ దాల్చాలో సొరకాయ ముక్కలు మాత్రమే వేస్తారు. మరింత రుచి కావాలనుకుంటే మునక్కాయలు, ఒక వంకాయ వేసి చూడండి. మటన్ దాల్చా అదిరిపోతుంది.