vastu tips: నట్టింట్లో కూర్చుని జుట్టు దువ్వుకుంటున్నారా? అరిష్టం.. ఎందుకంటే!!
చాలామంది ఇల్లు వాస్తు శాస్త్రం నియమాల ప్రకారం నిర్మించుకున్నామని భావించి, ఇంట్లో వాస్తు నియమాలకు విరుద్ధంగా కొన్ని పనులు చేస్తూ ఉంటారు. అవి ఆ ఇంటి గృహస్థుల జీవితాల పై ప్రతికూలమైన ప్రభావాలను చూపిస్తూ ఉంటాయి. చాలా పనులు ఇంట్లో చేయకూడదు అని చెప్పినా అవేవీ లక్ష్య పెట్టకుండా చాలామంది చేస్తూ ఉంటారు. గోళ్ళు కొరకటం, ఇంటి మధ్యలో కూర్చొని జుట్టు దువ్వుకోవడం వంటి అనేక పనులు అనేక నెగిటివ్ ఫలితాలను ఇస్తాయి. ముఖ్యంగా మహిళలు జుట్టు విషయంలో తగిన జాగ్రత్తలు తీసుకోకపోతే ఇంటికి దరిద్రం పట్టుకుంటుంది.
నట్టింట్లో జుట్టు దువ్వుతున్నారా? అయితే జరిగేదిదే
మహిళలు జుట్టు విషయంలో తగిన జాగ్రత్తలు తీసుకోవాలి. ఇంట్లో జుట్టు విరబోసుకొని మహిళలు ఎప్పుడు పని చేయకూడదు. జుట్టు విరబోసుకొని మహిళలు నిద్రించకూడదు. అంతేకాదు మహిళలు నటింట్లో జుట్టు దువ్వకూడదు. వెంట్రుకలు ఇంట్లో పడటం మన పెద్దవాళ్లు అశుభమని చెబుతూ ఉంటారు. అందుకే జుట్టు దువ్వుకునేటప్పుడు మహిళలు ఆరు బయట గాని, వరండాలో కానీ, ఇంటికి దూరంగా కానీ దువ్వుకోవాలి. వెంట్రుకలు నట్టింట్లో పడితే శనిదేవుని ఆహ్వానించినట్టేనని, అది ఇంట్లో ప్రతికూల వాతావరణాన్ని సృష్టిస్తుందని చెబుతారు. జుట్టు విరబోసుకుని మహిళలు ఎదురు వచ్చినా కూడా, ఆ పనులు జరగమని ప్రతికూల ఫలితాలు వస్తాయని సూచిస్తున్నారు.
మంగళవారం జుట్టు విషయంలో ఈ పనులు చెయ్యకండి
ఇక మంగళవారం నాడు మహిళలు జుట్టు అస్సలు కత్తిరించుకోకూడదని కూడా చెబుతున్నారు. మంగళవారం నాడు జుట్టు కత్తిరించుకోవడం, జుట్టు విరబోసుకుని తిరగడం చేస్తే అరిష్టమని చెబుతున్నారు. మంగళవారం అయితే జుట్టుని ఎక్కువగా కూడా దువ్వకూడదని, మంగళవారం జుట్టు రాలితే ఆ ఇంటికి దరిద్రం పట్టుకుంటుందని చెబుతున్నారు. నటింట్లో కూర్చొని తల దువ్వుకోవడం, నటింట్లో కూర్చొని పేలు చూసుకోవడం వంటివి ఇంటికి దరిద్రాన్ని తీసుకొస్తాయని చెబుతున్నారు. అందుకే మహిళలు ముఖ్యంగా జుట్టు దువ్వుకునే విషయంలో తగిన జాగ్రత్తలు తీసుకోవాలని సూచిస్తున్నారు. పొరపాటున కూడా ఇంట్లో వెంట్రుకలు పడకుండా జాగ్రత్తగా ఉండాలని చెబుతున్నారు.
జుట్టు విరబోసుకుని ఈ పనులు చేసినా ఫలితం శూన్య్యం
ఇక ఎప్పుడు పడితే అప్పుడు తల దువ్వకూడదని కూడా సలహా ఇస్తున్నారు. ఊడిపోయిన వెంట్రుకలను ఇంట్లో ఎక్కడా పెట్టకూడదని, వాటిని ఇంటికి దూరంగా పడేయాలని సూచిస్తున్నారు. ఇంట్లో ఎక్కడపడితే అక్కడ వెంట్రుకలు పడితే అవి తినే ఆహారంలో కూడా పడే ప్రమాదం ఉంటుందని, తద్వారా ఆహారం కలుషితం అవుతుందని చెబుతున్నారు. స్త్రీలు జుట్టు విరబోసుకుని పూజలు చేయకూడదని, అలా చేసిన పూజలు ఆమోదయోగ్యం కావని చెబుతున్నారు.
disclaimer: ఈ కథనం సాధారణ నమ్మకాలు మరియు ఇంటర్నెట్లో అందుబాటులో ఉన్న అంశాల ఆధారంగా రూపొందించబడింది. oneindia దీనిని ధృవీకరించలేదు.
Click it and Unblock the Notifications
Sign in with Google