నిరుద్యోగుల ఆమరణ దీక్ష ప్రారంభం Home Full Story

హైదరాబాద్‌ : రాష్ట్ర ప్రభుత్వ శాఖల్లోని ఖాళీగా వున్న 1500 ఎగ్జిక్యూటివ్‌ కేడర్‌ గ్రూప్‌-2 డైరెక్టు రిక్రూట్‌మెంట్‌ పోస్టులను భర్తీ చేయాలనే ప్రధాన డిమాండ్‌తో రాష్ట్రంలోని అన్ని యూనివర్శిటీలకు చెందిన నిరుద్యోగులు మంగళవారం నుంచి హైదరాబాద్‌లో ఆమరణ నిరాహార దీక్షను ప్రారంభించారు. దాదాపు పది సంవత్సరాలకు 1999 డిశెంబర్‌ 29న గ్రూప్‌-2 పోస్టులకు నోటిఫికేషన్‌ వెలువడిందని, పదేళ్లుగా భారీగా ఖాళీలు వుండటంవల్ల సుమారు మూడు లక్షల మంది నిరుద్యోలుగు ఈ పరీక్షలకు హాజరయ్యారని, అయితే ప్రభుత్వం మాత్రం 104 పోస్టులు మాత్రమే భర్తీచేసి నిరుద్యోగుల కడుపు కొట్టిందని నిరుద్యోగ పోరాట కమిటీ నాయకులు ఆరోపించారు.

ఈ నేపద్యంలో తాము ఆమరణదీక్షలు ప్రారంభించాల్సి వచ్చిందని, ప్రభుత్వం ఇప్పటికయినా సరైన విధంగా స్పందించకుంటే తాము ఆందోళనను మరింత ఉధృతం చేస్తామని వారు హెచ్చరించారు. కాగా, పలు ప్రజా సంఘాలు, కుల సంఘాల నాయకులు దీక్షా శిబిరాన్ని సందర్శించి తమ మద్దతు ప్రకటించారు.