హిందూపూర్‌: కాంగ్రెస్‌కు చైర్మన్‌ పదవి

హిందూపూర్‌: హిందూపూర్‌ మున్సిపల్‌ ఎన్నికల్లో కాంగ్రెస్‌ చైర్మన్‌ అభ్యర్థి సుభాన్‌ సేఠ్‌ గెలుపొందారు. ఆయన తన సమీప తెలుగుదేశం ప్రత్యర్థిపై 1700 మెజారిటీ సాధించారు.

వార్డుల్లో మాత్రం తెలుగుదేశం ఎక్కువ గెల్చుకుంది. హిందూపూర్‌ మున్సిపాలిటీ వార్డుల ఫలితాలన్నీ వెలువడ్డాయి. అత్యధిక వార్డులను తెలుగుదేశంకైవసం చేసుకున్నది. మొత్తం 32 వార్డుల్లో తెలుగుదేశం 17, బిజెపి మూడు, కాంగ్రెస్‌ తొమ్మిది, సిపిఐ ఒకటి, ఇతరులు రెండు వార్డుల్లో గెలుపొందారు.

ఇక్కడ చైర్మన్‌ పదవికి తెలుగుదేశం, బిజెపిల మధ్య పొత్తు బెడిసి కొట్టింది. బిజెపి అభ్యర్థి కూడా రంగంలో వుండడంతో తెలుగుదేశం అభ్యర్థి ఓటమి పాలయ్యారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!