తిరుపతిః నిన్న మొన్నటి వరకు కాంగ్రెస్‌ కంచుకోటగా వున్న తిరుపతి తెలుగుదేశం పార్టీ వశమైంది. తిరుపతి మున్సిపాలిటీకి జరిగిన ఎన్నికల్లలో తెలుగుదేశం అభ్యర్థి కందాటి శంకర్‌ రెడ్డి సమీప కాంగ్రెస్‌ అభ్యర్థి కరుణాకర్‌ రెడ్డిపై ఆరువేలఓట్ల మెజారిటీతో చైర్మన్‌ గా గెలుపొందారు. వార్డుల్లో కూడా తెలుగుదేశం పార్టీ హవా కొనసాగింది. మొత్తం 36 వార్డుల్లో 19 స్థానాల్లో తెలుగుదేశం పార్టీవిజయ దుందుభి మోగించింది.

ఈ ఎన్నికలను తెలుగుదేశం, కాంగ్రెస్‌ పార్టీలు ప్రతిష్ఠాత్మకంగా తీసుకున్నాయి. తిరుపతి చంద్రబాబు నాయుడు సొంత జిల్లాలో వుండడం, వై.ఎస్‌. కు తిరుపతిలో మంచి పట్టు వుండడంతో తిరుపతి మున్సిపల్‌ ఎన్నికలు బాబు-వై.ఎస్‌. ల మధ్య పోటీగా భావించారు. హోరాహోరీగా సాగిన ఈ పోరులో చివరకు తెలుగుదేశం పార్టీవిజయం సాధించింది.