న్యూయార్క్‌ లో ప్రముఖులతో బాబు భేటీ

న్యూయార్క్‌ః అమెరికాలో పర్యటిస్తున్న ఆంధ్రప్రదేశ్‌ ముఖ్యమంత్రి చంద్రబాబు నాయుడు శనివారం పలువురు ఐ.టి. రంగ ప్రముఖులను కలుసుకున్నారు. జె.పి. మోర్గాన్‌ ఛేస్‌, న్యూయార్క్‌ లైఫ్‌, బేర్‌ స్టీమ్స్‌ సి.ఇ.ఓ.లను, మోర్గాన్‌ స్టాన్లీ అధికారులను చంద్రబాబు నాయుడు కలుసుకున్నారు. ఆంధ్రప్రదేశ్‌ లో వున్న పెట్టుబడి అవకాశాలను చంద్రబాబు నాయుడు వారికి వివరించారు.

దక్షిణాఫ్రికా ప్రధానితో పాటు రొమానియా ప్రధానితో కూడా చంద్రబాబు చర్చలు జరిపారు. వరల్డ్‌ ఎకనమిక్‌ ఫోరం సమావేశంలో పాల్గొనేందుకు న్యూయార్క్‌ వచ్చిన చంద్రబాబు సదస్సుకు ముందు జరిగిన ఓ సమావేశంలో ఆసక్తికరమైన ప్రసంగం చేశారు. వర్థమాన దేశాలు, సంపన్నదేశాలకు మధ్య వున్న అంతరాన్ని ఎలా భర్తీ చేయాలనేఅంశంపై చంద్రబాబు ప్రసంగించారు.