మిస్‌ ఆంధ్రప్రదేశ్‌ బియాంక

హైదరాబాద్‌ఃమిస్‌ ఆంధ్రప్రదేశ్‌ -2002 గా బియాంక విజేతగా నిలిచింది. ద్వితీయ స్థానాన్ని ఎవిటా, తృతీయ స్థానాన్ని క్రిస్టల్‌ గెలుచుకున్నారు. సిటీకేబుల్‌ శనివారం రాత్రి ఎన్‌ఎసి గ్రౌండ్స్‌ లోమిస్‌ ఆంధ్ర పోటీలను కన్నులపండువగా నిర్వహించింది.మిస్‌ ఆంధ్ర-2001 ప్రియ చేతుల మీదుగా బియాంక కిరీటాన్నిఅందుకున్నారు. కాంగ్రెస్‌ ఎం.పి. రేణుకా చౌదరి చేతులమీదుగా ఎవిటా, పూనమ్‌ ధిల్లాన్‌ చేతుల మీదుగా క్రిస్టల్‌ కిరీటాలుఅందుకున్నారు.

ఈ పోటీల్లో 24 మంది పాల్గొన్నారు. న్యాయనిర్ణేతలుగా సుబ్బిరామిరెడ్డి, రేణుకా చౌదరి, బాలీవుడ్‌ ప్రముఖులు గుల్షన్‌ గోవర్‌, పూనమ్‌ థిల్లాన్‌, ప్రియాగిల్‌, అన్నాసింగ్‌, ఆల్‌ ఇంగ్లాండ్‌ బ్యాడ్మింటన్‌విజేత పుల్లెల గోపీచంద్‌ వ్యవహరించారు.మిస్‌ ఆంధ్రాగా ఎన్నికైతే ఏం చేస్తావంటూ న్యాయనిర్ణేతలకు అడిగిన ప్రశ్నకు.... ప్రపంచాన్ని మార్చలేకపోయినా అనాధపిల్లలకు ఆశ్రయం కల్పించే కృషి చేస్తాననివినమ్రంగా బియాంక సమాధానం చెప్పారు.