సంగీత చక్రవర్తి కన్నుమూత

చెన్నైః ప్రముఖ సంగీత దర్శకుడు, బహుముఖ ప్రజ్ఞాశాలి చక్రవర్తి ఆదివారం రాత్రి కన్నుమూశారు. ఆయన వయస్సు 61 సంవత్సరాలు. దాదాపు 960 సినిమాలకు సంగీతం సమకూర్చిన చక్రవర్తిఅసలు పేరు కొమ్మినేని అప్పారావు. స్వగ్రామం గుంటూరు జిల్లాలోని తాడికొండ మండలం పొన్నెకల్లు. నటుడు కావాలనే కోరికతో మద్రాస్‌రైలెక్కిన చక్రవర్తి తొలుత డబ్బింగ్‌ ఆర్టిస్ట్‌గా మంచి గుర్తింపు తెచ్చుకున్నారు. కన్నతల్లి చిత్రం ద్వారా సంగీత దర్శకునిగా మారారు.

శారద చిత్రానికి సంగీత దర్శకత్వంఅందించడంతో పాటు అటోఇటో తేలిపోతుంది... అనే పాటనుస్వయంగా పాడి శ్రోతలను ఉర్రూతలూగించారు. 80వ దశకంలో ఆయనకు ఎదురులేకుండా పోయింది. మద్రాస్‌లోని రికార్డింగ్‌ థియేటర్లన్నీ ఆయనపేరునే బుక్‌ అయివుండేవంటే ఆయన ప్రతిభనుఅర్ధం చేసుకోవచ్చు. జెమిని టెలివిజన్‌ ప్రసారం చేస్తున్నకలిసుందాం రా సీరియల్‌లో ఆయన నటిస్తున్నారు. నవతరం సంగీత దర్శకుల్లో అనేక మంది ఆయన శిష్యులు వున్నారు. ఎన్‌టిఆర్‌,అక్కినేని, కృష్ణ, శోభన్‌బాబు వంటి మేటి నటులు అనేక మందితో సన్నిహితంగా కలసిపనిచేశారు.