సమైక్యంగా దాడికివిపక్షాల వ్యూహం

హైదరాబాద్‌ః రాష్ట్ర అసెంబ్లీ బడ్జెట్‌ సమావేశాలు శుక్రవారం నుంచి ప్రారంభం కానున్న నేపథ్యంలో ప్రధాన అధికార ప్రతిపక్షాలు అస్త్రశస్త్రాలతో సిద్ధమవుతున్నాయి. ఈ సమావేశాల్లో పలు ప్రధాన సమస్యలపై ప్రభుత్వంపై ఉమ్మడిగా పోరాడాలని విపక్షాలు నిర్ణయించాయి. సిఎల్‌పి నేత వైఎస్‌ రాజశేఖర్‌రెడ్డి ఏర్పాటు చేసిన సమావేశానికి టిఆర్‌ఎస్‌, టిఎస్‌ఎస్‌, ఎంఐఎం, సిపిఎం నేతలు హాజరయ్యారు. విద్యుత్‌, రైతుల సమావేశాలు, పోలీసుల జులుం వంటి అంశాలపై సమైక్యంగా ప్రభుత్వాన్ని నిలదీయాలని విపక్షాల నేతలు నిర్ణయించారు. ప్రైవేట్‌ విద్యుత్‌కు రాష్ష్ర ఖజానాను దోచిపెడుతున్నారని వైఎస్‌ ఆరోపించారు.

వక్ఫ్‌ భూముల కబ్జా, పసిపిల్లల దత్తత కుంభకోణం వంటిఅంశాలను సభలో ప్రస్తావించనున్నట్టుగా ఎంఐఎం నేతఅసదుద్దీన్‌ ఓవైసీ చెప్పారు. ముఖ్యమంత్రి తీపిమాటలతో రాష్ట్ర ప్రజల చేతవిషం తాగిస్తున్నారని సిపిఎం నేత రాఘవులు విమర్శించారు. అధికార పక్షం కూడా గురువారం నాడు సమావేశమై ప్రతిపక్షాల దాడిని సభలో సమర్ధంగా తిప్పికొట్టాలని నిర్ణయించింది. ఇందుకు అనుగుణంగా పార్టీ ఎమ్మెల్యేలకు తగిన వ్యూహాన్ని పార్టీ నాయకత్వం నిర్ధేశించింది. మంత్రులందరినీ ముందుగానే సభలో అడిగే ప్రశ్నలనుఅంచనా వేసుకుని తగినరీతిలో సమాధానం చెప్పడానికి సిద్ధం కావాలని ముఖ్యమంత్రి ఆదేశించారని తెలిసింది. అన్ని అనర్ధాలకు గతంలోని కాంగ్రెస్‌ పాలనే కారణమని వాదించాల్సిందిగా మంత్రులకు సూచించినట్టుగా తెలిసింది.