పెదవి విరిచిన విపక్షాలు

హైదరాబాద్‌ఃః రాష్ట్ర అసెంబ్లీని ఉద్దేశించి గవర్నర్‌ రంగరాజ్‌ శుక్రవారం నాడు చేసిన ప్రసంగంపై విపక్షాలు పెదవివిరిచాయి. అనేక ముఖ్యమైన అంశాలను గవర్నర్‌ ప్రస్తావించన లేదని వారు విమర్శించారు. రాష్ట్ర ప్రజలందరినీ కలవరపెడుతున్న విద్యుత్‌ సమస్య గురించి, రైతుల ఆత్మహత్యల గురించి, పోలీసుల హింసాకాండ గురించి, పీపుల్స్‌వార్‌తో చర్చల గురించి గవర్నర్‌ ప్రసంగంలో ఊసు లేకపోవడాన్ని వారు ఆక్షేపించారు.

ముఖ్యమంత్రి కోట్లాది రూపాయల పెట్టుబడులు తెచ్చినట్టుగా చెప్పుకుంటున్న విదేశీ పర్యటన గురించి కూడా గవర్నర్‌ ప్రసంగం ప్రస్తావించనే లేదని సిఎల్‌పి నేత వైఎస్‌ రాజశేఖర్‌రెడ్డివిమర్శించారు. గవర్నర్‌ ప్రసంగంలో ప్రస్తావించినవిషయాలకన్నా దాచిన విషయాలే ఎక్కువగా వున్నాయని ఆయనవిమర్శించారు. స్వోత్కర్ష తప్ప అసలు విషయాలు లేవని ప్రతిపక్ష నేతలు అన్నారు.వేలాది మందివిద్యార్ధులు పాఠశాల మాని బయటకు వస్తుంటే ప్రభుత్వంవిద్యగురించి ఏం మాట్లాడినా ప్రయోజనం లేదని వైఎస్‌పేర్కొన్నారు. దక్షిణభారతంలో అన్ని రాష్ట్రాల కంటేవిద్యారంగంలో ఆంధ్రప్రదేశ్‌ వెనకబడి వున్నదని ఆయన చెప్పారు. రైతుల

ఆత్మహత్యలు, డబ్లుటివో వల్ల రైతాంగం ఎదుర్కోనున్నసంక్షోభం గురించి ప్రస్తావనే లేదని సిపిఎం సభ్యుడు నోముల నర్సింహయ్యవిమర్శించారు. లక్ష్యాలను ఏకరువు పెట్టినప్పటికీ వాటిని ఏవిధంగా సాధిస్తారో మాత్రంవివరించలేదన బిజెపి నేత ఇంద్రసేనారెడ్డిపెదవి విరిచారు.