హోం మంత్రి రాజీనామాకు డిమాండ్‌

మహబూబ్‌నగర్‌ః రాష్ట్రంలో పోలీసుల అత్యాచారాలు పెరిగిపోయిన నేపథ్యంలో హోంమంత్రి దేవేందర్‌గౌడ్‌ నైతిక బాధ్యత వహించి తన పదవికి రాజీనామా చేయాలని సిఎల్‌పి నేత వైఎస్‌ రాజశేఖర్‌రెడ్డి డిమాండ్‌ చేశారు. ఎస్‌సి, ఎస్‌టి, బలహీన వర్గాలపై పోలీసుల దౌర్జన్యం ఈ మధ్య కాలంలో విపరీతంగా పెరిగిపోయిందని ఆయన విమర్శించారు.

శుక్రవారం నాడు మైసిగండిలో పోలీసుల దాడిలో కన్నుమూసిన గిరిజన వ్యాపారి రామావత్‌ భీమా కుటుంబాన్ని ఆయన పరామర్శించారు. పోలీసుల అత్యాచారాలపైవిచారణకు ప్రత్యేక న్యాయమూర్తిని నియమించాలని వెంటవెంటనేవిచారణ జరిపి బాధ్యులైన పోలీసులపై కఠిన చర్యలు తీసుకోవాలని వైఎస్‌ డిమాండ్‌ చేశారు. కృషిబాంకు వ్యవహారంలో డిజిపి దొర కుమారుని ప్రమేయం వున్నదని వార్తలు వచ్చిన ప్రభుత్వం ఈఅంశాన్ని నిర్లజ్జగా విస్మరించిందని ఆయన విమర్శించారు. ఇదిలా వుండగా హోంమంత్రి రాజీనామా చేయాలన్న డిమాండ్‌ను తెలుగుదేశం ఖండించింది. మైసిగండి సంఘటనలో ప్రభుత్వం శరవేగంతో స్పందించి బాధితులకు న్యాయం చేయడానికి ప్రయత్నించిందని నిందితులనుఅరెస్టు చేసిందని ఆయన చెప్పారు.