తెలుగులో అద్వానీ జైలు డైరీ

విశాఖపట్నం: కేంద్ర హోం మంత్రి ఎల్‌.కె. అద్వానీ జైలు డైరీ పుస్తకం తెలుగు అనువాదం ఇక్కడ గురువారం ఆవిష్కరణ జరుపుకుంది. కేంద్ర గ్రామీణాభివృద్ధి శాఖ మంత్రిఎం. వెంకయ్యనాయుడు ఈ పుస్తకాన్ని ఆవిష్కరించారు.

ఎమర్జెన్సీ కాలంలో తన జైలు అనుభవాలతో అద్వానీ ఈ పుస్తకంరాశారు. ఈ పుస్తకాన్ని రాజ్యసభ సభ్యుడు డాక్టర్‌ యార్లగడ్డ లక్ష్మీప్రసాద్‌ తెలుగులోకి అనువదించారు. ఎమర్జెన్సీ కాలంలో బెంగూళూర్‌ జైలులో 18 నెలల పాటు ఉన్నఅద్వానీ జీవితం ఆదర్శప్రాయమని వెంకయ్యనాయుడు అన్నారు.

ఎన్నికల్లో జయాపజయాలు సర్వ సాధారణమని వెంకయ్యనాయుడు ఈ సందర్భంగా అన్నారు. కర్ణాటక రాజ్యసభ ఎన్నికల్లో క్రాస్‌ వోటింగ్‌కు పాల్పడినవారిని పార్టీ నుంచి సస్పెండ్‌ చేశామని, పార్టీలో క్రమశిక్షణా రాహిత్యాన్ని సహించబోమని ఆయన అన్నారు.