డిఎస్‌సి నియామకాలపై కెసిఆర్‌ వాకౌట్‌

హైదరాబాద్‌: తెలంగాణలో స్థానికేతరులకు నిబంధనలు అతిక్రమించి ఉద్యోగాలు ఇచ్చిన వ్యవహారంపైవిచారణ జరుపుతున్న కమిషన్‌ నివేదిక రాకముందే మళ్లీ డిఎస్‌సి నిర్వహించడాన్ని నిరసిస్తూ తెలంగాణ రాష్ట్ర సమితి (టిఆర్‌ఎస్‌) సభ్యుడుకె. చంద్రశేఖర్‌ రావు గురువారం శాసనసభ నుంచి వాకౌట్‌ చేశారు.

డిఎస్‌సి ద్వారా జరుపుతున్న ఉపాధ్యాయ నియామకాల్లో తెలంగాణకు అన్యాయం జరుగుతోందని ఆయనవిమర్శించారు. 1995 నుంచి 2002 వరకు జరిపిన ఉపాధ్యాయ నియామకాల్లో స్థానికులైన తెలంగాణ అభ్యర్థులకు అన్యాయం జరిగిందని ఆయన అన్నారు. స్థానికేతరులకు నిబంధనలకువిరుద్ధంగా 30 శాతం ఉద్యోగాలిచ్చారని ఆయన అన్నారు. ఈ నష్టాన్ని పూడ్చాలని కాంగ్రెస్‌, సిపిఎంలు కూడా ప్రభుత్వాన్ని డిమాండ్‌ చేశాయి.

610 జివోపై విచారణ జరుపుతున్న గిర్గలానీ కమిషన్‌, సభా సంఘం నివేదికలుఅందగానే అన్యాయాలు జరిగినట్లు తేలితే వాటిని సరిదిద్దుతామని పాఠశాల విద్యామంత్రి మండవ వేంకటేశ్వరరావు తరఫున భారీ నీటి పారుదల మంత్రి కడియం శ్రీహరి చెప్పారు. తెలంగాణపేరిట కొందరు రాజకీయం చేస్తున్నారని ఆయనవిమర్శించారు. తెలంగాణ అభివృద్ధిపై, ప్రజలపై వారికి చిత్తశుద్ధి లేదని ఆయన అన్నారు.