లష్కర్‌ బోనాల్లో చంద్రబాబు పూజలు

సికింద్రాబాద్‌ః తెలంగాణా సంస్కృతీ, సంప్రదాయాలకు అద్దంపట్టే సికింద్రాబాద్‌ ఉజ్జయినీ మహాంకాళి బోనాల వేడుకల్లో సోమవారం నాడు ముఖ్యమంత్రి చంద్రబాబు పాల్గొని అమ్మవారికి ప్రత్యేక పూజలు నిర్వహించారు. ఈ సందర్భంగా అర్చకులు పూజల అనంతరం ఆయనకు ఆశీర్వచనం ఇచ్చారు.

ఆలయ కమిటీ సభ్యులు ఆయనకు పట్టువస్త్రాలు బహుకరించారు. ఉజ్జయిని మహాంకాళి జాతర ప్రతిఏటా మరింత వైభవాన్ని సంతరించుకుంటున్నది ముఖ్యమంత్రి చెప్పారు. తెలంగాణా ప్రజల సంస్కృతికి, సంప్రదాయాలకు ఈ వేడుకలు అద్దం పడతాయని ఆయన చెప్పారు. బోనాల వేడుకల్లో భాగంగా సోమవారం నాడు రంగం కార్యక్రమాన్ని నిర్వహించారు. సాయంత్రం గజారోహణతో అమ్మవారి బోనాల వేడుక ముగిసింది. అమ్మవారిని దర్శించడానికిపెద్దసంఖ్యలో బారులు తీరిన భక్తులు, పోతరాజులవీరంగం, మహిళల పూనకాలతో సికింద్రాబాద్‌లో సోమవారం నాడు పండుగ వాతావరణం కనిపించింది.