ఢిల్లీలో బిజెపి జాతీయ సదస్సు

న్యూఢిల్లీః భారతీయ జనతాపార్టీ మూడు రోజుల జాతీయ సదస్సు ఢిల్లీలోశనివారం నాడు ప్రారంభమవుతుంది. దేశ రాజకీయ పరిస్థితిని సమీక్షించడంతో పాటు పదిరాష్ట్రాల్లో జరుగనున్న అసెంబ్లీ ఎన్నికల్లో విజయం సాధించేందుకు అనుసరించాల్సిన వ్యూహాన్ని ఈ సదస్సు ఖరారు చేస్తుంది. పార్టీ యంత్రాంగంలో భారీ ఎత్తున మార్పులు చేర్పులు జరిగిన తర్వాత తొలిసారిగా ఈ సమావేశాన్ని నిర్వహిస్తుండటంతో వీటికి ప్రాధాన్యత ఏర్పడింది.

పార్టీ అధ్యక్షునిగా వెంకయ్యనాయుడు ఎన్నికను శనివారం నాడు హేమాహేమీలతో కూడిన జాతీయ మండలి సమావేశం ధృవీకరిస్తుంది. రానున్న రోజుల్లో పార్టీ అనుసరించే వ్యూహాన్ని వెంకయ్యనాయుడు సమావేశంలోవివరిస్తారు. కాగా అగ్రనేతలు వాజ్‌పేయ, అద్వానీ దిశా నిర్ధేశనం చేస్తారు. మిత్ర పక్షాలతో సన్నిహిత సంబంధాలను నెరపాలని, స్థానిక రాజకీయ పరిణామాలపై రాష్ట్రనేతలు ఎప్పుడూ కన్నేసి వుంచాలని అగ్రనేతలు సూచించే అవకాశం వుంది. స్థానిక పరిస్థితులకు అనుగుణంగావిజయసాధనకు అవసరమైన వ్యూహాలను రూపొందించాల్సిందిగా రాష్ట్ర నేతలనుకోరే అవకాశం కూడా వుంది..