పెట్రో స్కాంపై బిజెపి ఎదురు దాడి

న్యూఢిల్లీఃపెట్రోలు మంటలతో చేతులు కాలిన బిజెపి.... మౌనం వహిస్తే లాభంలేదని ఎదురుదాడికి దిగింది. కాంగ్రెస్‌, సమాజ్‌ వాది, వామపక్ష పార్టీలకు చెందిన ప్రముఖ నేతలు తమ వారికిపెట్రోలు బంకులు కేటాయించాల్సిందిగా సిఫారసులు చేశారు. వారిపేర్లను బిజెపి బుధవారం బయటపెట్టింది.పెట్రోలు బంకులు కేటాయింపుల్లో అవకతవకలకు పాల్పడ్డాడంటూ రాం నాయకు రాజీనామా చేయందే సహించమంటున్న ప్రతిపక్షాలకు చెక్‌ చెప్పే ఉద్దేశ్యంతో సిఫారసులు చేసిన ప్రముఖ నాయకులపేర్లను బిజెపి బహిర్గతం చేసింది.

పెట్రోలు బంకుల కోసం సిఫారసు చేసిన వారిలో కాంగ్రెస్‌ పార్టీ వారే అధికంగా వున్నారు. మాజీ ఆర్థిక మంత్రి డాక్టర్‌ మన్మోహన్‌ సింగ్‌ కూడా ఆ జాబితాలో వుండడంవిశేషం. ఇక సమాజ్‌ వాది, వామపక్షాలకు చెందిన నేతలు మా వారికిపెట్రోల్‌ బంకులు కేటాయించండంటూ సిఫారసు చేశారట. బిజెపి ఎదురు దాడి చేస్తున్నప్పటికీ ప్రతిపక్షాలు పార్లమెంటులో, పార్లమెంటు బయట కూడా అధికార పార్టీని ఎండగడుతునే వున్నాయి.