రామ్‌నాయక్‌ బర్తరఫ్‌కు కాంగ్రెస్‌ డిమాండ్‌

హైదరాబాద్‌:పెట్రోల్‌ పంపుల కేటాయింపు కుంభకోణంలో పెట్రోలియం శాఖ మంత్రి రామ్‌నాయక్‌ను బర్తరఫ్‌ చేయాలని డిమాండ్‌ చేస్తూ నగర కాంగ్రెస్‌ బుధవారం ప్రదర్శన నిర్వహించింది. ఈ సందర్భంగా రామ్‌నాయక్‌ దిష్టిబొమ్మను ఆందోళనకారులు దగ్ధం చేశారు.

పెట్రోల్‌ పంపుల కేటాయింపు కుంభకోణంలో రాష్ట్రానికి చెందిన కేంద్ర మంత్రుల, పార్లమెంటు సభ్యుల ప్రమేయం ఉన్నదని, వారిపై కూడా ప్రభుత్వం చర్యలు తీసుకోవడం అవసరమని కాంగ్రెస్‌ శాసనసభ్యుడు డి. నాగేందర్‌ ఈ సందర్భంగా అన్నారు. రామ్‌నాయక్‌ను బర్తరఫ్‌ చేసే వరకు తమ ఆందోళన కొనసాగుతుందని ఆయన చెప్పారు. నైతికవిలువలకు కట్టుబడి రామ్‌నాయక్‌ను బర్తరఫ్‌ చేయాలని ఆయన ప్రధాని వాజ్‌పేయినికోరారు.