దశవ్యాప్తంగా భారీ భద్రతా ఏర్పాట్లు

న్యూఢిల్లీః దేశ స్వాతంత్ర్య దినోత్సవ వేడుకలను పురస్కరించుకుని దేశవ్యాప్తంగా భారీ ఎత్తున కట్టుదిట్టమైన భద్రతా ఏర్పాట్లు చేశారు. జమ్మూ కాశ్మీర్‌లో మిలిటెంట్లు మారణహోమాన్ని సృష్టించే అవకాశం వున్నదంటూ వచ్చిన వార్తలు, ఢిల్లీపై విరుచుకుపడేందుకు కుట్రపన్నినట్టుగా వెల్లడయిన సమాచారంతో కనీవినీ ఎరగని రీతిలో భద్రతా ఏర్పాట్లు చేశారు.

తీవ్రవాదుల సమస్య వున్న అన్ని ప్రాంతాల్లోనూ భద్రతా ఏర్పాట్లు చేశారు. ఢిల్లీలో ఎర్రకోట వద్ద పన్నెండువేల మంది పోలీసులను మొహరించారు. ఉదయం ఎర్రకోట పరిసరాల్లోవిమానాల రాకపోకలను నిషేధించారు. షార్ప్‌ షూటర్స్‌ను మొహరించారు. పోలీసు జాగిలాలు రాత్రినుంచి రంగంలోకి దింపి ఎర్రకోట చుట్టుపక్కల ప్రాంతాల్లో గాలింపు జరుపుతున్నారు. హైదరాబాద్‌లో సైతం భారీ ఎత్తున భద్రతా ఏర్పాట్లు చేశారు.