25 కోట్ల మొక్కలు: చంద్రబాబు

హైదరాబాద్‌:వచ్చే నెల, నెలా పది రోజుల్లో రాష్ట్రంలో 25 కోట్ల మొక్కలు నాటే ప్రణాళికను అమలు చేస్తున్నట్లు ముఖ్యమంత్రి నారా చంద్రబాబునాయుడు చెప్పారు. 53వ వనమహోత్సం సందర్భంగా రంగారెడ్డి జిల్లా చిలుకూరులో మొక్కలు నాటే కార్యక్రమాన్ని ఆయన శనివారం ప్రారంభించారు.

ఇప్పటికే 20 కోట్ల మొక్కలు నాటినట్లు ఆయన చెప్పారు. రాజకీయాలకు అతీతంగా పార్టీలు,స్వచ్ఛంద సంస్థలు మొక్కలు నాటే కార్యక్రమంలో పాల్గొనాలని ఆయన పిలునిచ్చారు. చెట్లను నరికేస్తుండడం వల్లనే రాష్ట్రంలో వర్షాభావ, దుర్బిక్ష పరిస్థితులు నెలకొన్నాయని ఆయన అన్నారు. చెట్లను నరికేవారిపై కఠిన చర్యలు తీసుకుంటామని ఆయన చెప్పారు. రాష్ట్రంలోని 10,600 పాఠశాలల్లో పార్కుల ఏర్పాటుకు ఒక కార్యక్రమాన్ని రూపొందించినట్లు ఆయన తెలిపారు. రోడ్ల పక్క చెట్ల నిర్వహణ బాధ్యతను డ్వాక్రా, సిఎంఇఐ వంటిస్వయం పోషక గ్రూపులకు అప్పగిస్తామని, ఇందుకు తగిన ఆర్థిక సాయం కూడాఅందిస్తామని ముఖ్యమంత్రి చెప్పారు.