రాందాస్‌ పై కోర్టుకెళతాః రజనీకాంత్‌

చెన్నయ్‌ః తన ప్రతిష్ఠకు భంగం కలిగిచే విధంగా వ్యాఖ్యలు చేసిన పిఎంకె అధినేత రాందాస్‌ పై చట్టపరంగా చర్య తీసుకుంటానని సూపర్‌ స్టార్‌ రజనీ కాంత్‌ ప్రకటించారు. రజనీకాంత్‌ కన్నడ బాషా పక్షపాతిఅంటూ రాందాస్‌ వారం రోజుల కిందట చేసిన వ్యాఖ్యలు తమిళనాట దుమారం రేపుతున్నవిషయం విదితమే.

రజనీ అభిమానులు, పిఎంకె కార్యకర్తలు పరస్పరం దాడులకు కూడా దిగారు. ఇంత జరుగుతున్నా పిఎంకె నుంచి ఎటువంటి సానుకూల స్పందన రాకపోవడంతో చట్టపరమైన చర్య తీసుకోనున్నట్లు రజనీకాంత్‌ ప్రకటించారు. రాందాస్‌ వ్యవహారాన్ని రజనీ ఒక రకంగా తనకు అనుకూలంగా మలచుకున్నారు. బాబా వీడియోపైరసీ ఎక్కడ జరిగినా అందుకు పిఎంకెనే బాధ్యత వహించాల్సి వస్తుందని రజనీకాంత్‌ మెలికపెట్టారు.