పర్వీన్‌ అభ్యర్ధన తిరస్కృతి

ముంబాయి: సినీనటుడు సంజయ్‌ దత్‌ కు వ్యతిరేకంగా సాక్ష్యాలను సమర్పించడానికి అనుమతించవలసిందిగా నటిపర్వీన్‌ బాబి చేసిన అభ్యర్ధనను స్పెషల్‌ కోర్టు సోమవారం తిరస్కరించింది. గతంలో మూడు సార్లు సమన్లు పంపినప్పటికీపర్వీన్‌ బాబి సాక్ష్యం చెప్పలేదన్న కారణంగా ఆమె అభ్యర్ధనను తిరస్కరిస్తున్నట్టు న్యాయమూర్తి పి.డి.కొడె తెలిపారు.

పర్వీన్‌ బాబి కోర్టుకు సమర్పించిన పత్రాలను న్యాయమూర్తి పరిశీలించి 1993లో జరిగిన బాంబుపేలుడులో సంజయ్‌ దత్‌ ప్రమేయం ఉన్నట్టు సాక్ష్యాధారాలేవీఅందులో లేవని తేల్చి చెప్పారు. సిబిఐ పైన, ఇతర అంతర్జాతీయ గూఢచారి సంస్ధలపైన కూడా బాబి తీవ్ర ఆరోపణలుచేసినా వాటిని నిరూపించలేకపోయారని న్యాయస్ధానం వ్యాఖ్యానించింది. ఆధారం లేని ఆరోపణలతో కోర్టుకు లేఖలు రాయవద్దని ఆమెను హెచ్చరించవల్సిందిగా న్యాయమూర్తి రిజిస్ట్రారును ఆదేశించారు.