నక్సల్స్‌ చెరలో పోలీసులు క్షేమం!

విశాఖపట్నం: తమ వెంట తీసుకెళ్లిన పోలీసు కానిస్టేబుల్స్‌ను విడిచిపెట్టాలని పోలీసు డైరెక్టర్‌ జనరల్‌ (డిజిపి)పేర్వారం రాములు నిషిద్ధ పీపుల్స్‌వార్‌ నక్సలైట్లకువిజ్ఞప్తి చేశారు. నక్సల్స్‌ విశాఖపట్నం జిల్లా అనకాపల్లి, చోడవరం పోలీసుస్టేషన్లపై దాడి చేసి నలుగురు కానిస్టేబుల్స్‌ను తమ వెంట తీసికెళ్లారు.

నక్సల్స్‌ చెరలో ఉన్న పోలీసులు క్షేమంగానే ఉన్నట్లు పోలీసులకు సమాచారంఅందింది. దీంతో పోలీసులు కొంత ఊపిరి పీల్చుకుంటున్నారు. పోలీసులను కావాలని నక్సల్స్‌ కిడ్నాప్‌ చేయలేదని, యాదృచ్ఛికంగానే తమ వెంట తీసుకెళ్లి ఉంటారని భావిస్తున్నారు.విశాఖపట్నంలో మకాం వేసి డిజిపి పరిస్థితిని పరిశీలిస్తున్నారు. నక్సల్స్‌ చెరలో ఉన్న పోలీసుల క్షేమం దృష్ట్యా నక్సల్స్‌ కోసం గాలింపు చర్యలు చేపట్టడం లేదని రాములు చెప్పారు. ఎన్‌కౌంటర్లకు నక్సల్స్‌ చెరలో ఉన్న కానిస్టేబుల్స్‌కు ఏ విధమైన సంబంధం లేదని, కానిస్టేబుల్స్‌ పైఅధికారుల ఆదేశాలను అమలు చేసేవారే తప్ప వారంతట వారు నిర్ణయాలు తీసుకుని అమలు చేసేవారు కారని ఆయన అన్నారు.

పోలీసు స్టేషన్లపై దాడికి నక్సల్స్‌ వాడిన మినీ బస్సును, టిప్పర్‌ను పోలీసులు మాడుగుల సమీపంలోస్వాధీనం చేసుకున్నారు. పోలీసు స్టేషన్లపై దాడికి నిరంజన్‌ అనేపీపుల్స్‌వార్‌ దళనాయకుడు నాయకత్వం వహించాడని చెబుతున్నారని, తమ వద్ద ఉన్న సమాచారం మేరకుఒరిస్సా, ఆంధ్ర సరిహద్దుల్లో పని చేస్తున్న నేత దేవన్న అని, అతనిఅసలు పేరు చంద్రమౌళి అని, అతను కరీంనగర్‌ జిల్లాకు చెందినవాడని డిజిపివివరించారు. పోలీసు స్టేషన్లపై దాడికి తెలంగాణకు చెందినపీపుల్స్‌వార్‌ నాయకులు నాయకత్వం వహించగా, గిరిజనులు ఈ దాడుల్లో పాల్గొన్నట్లు తెలుస్తోందని ఆయన అన్నారు.