వెస్టిండీస్‌ పై దక్షిణాఫ్రికావిజయం

కొలొంబో: ఐసిసి ఛాంపియన్స్‌ టోర్నీలో భాగంగా వెస్టిండీస్‌, దక్షిణాఫ్రికాల మధ్య శుక్రవారం కొలొంబోలో జరిగిన వన్డే మ్యాచ్‌ లో దక్షిణాఫ్రికావిజయం సాధించింది. ఆద్యంతం ఉత్కంఠ భరితంగా సాగిన ఈ మ్యాచ్‌ లో దక్షిణాఫ్రికా రెండువికెట్ల తేడాతో వెస్టిండీస్‌ పై గెలిచింది. ఆద్యంతం ఉత్య49 ఓవర్లలో 239 పరుగుల లక్ష్యాన్ని చివరి బాల్‌ లో ఛేదించింది. చివరి ఓవర్లో 13 పరుగులు చేయాల్సి ఉండగా దక్షిణాఫ్రికా చివరి బాల్‌ లో నాలుగు పరుగులు సాధించివిజయాన్ని కైవసం చేసుకొంది. టాస్‌ గెలిచిన దక్షిణాఫ్రికా వెస్టిండీస్‌ కు బ్యాటింగ్‌అప్పచెప్పింది. ఎనిమిది వికెట్ల నష్టానికి వెస్టిండీస్‌ జట్టు 238 పరుగులు చేసింది.

తొలుత బ్యాటింగ్‌ చేసిన వెస్టిండీస్‌ క్రిస్‌ గెయిల్‌ దూకుడుతో భారీ స్కోర్‌ దిశగా పయనిస్తున్నట్లు కనిపించింది. 55 బంతుల్లో 49 పరుగులు చేసిన క్రిస్‌ 15వ ఓవర్లో ఔటవ్వడంతో వెస్టిండీస్‌ తడబడింది. ఆ తర్వాత కెప్టెన్‌ కార్ల్‌ హూపర్‌(27 పరుగులు), లారా(21 పరుగులు)లు జట్టును చక్కదిద్దేందుకు ప్రయత్నించినా లాభం లేకపోయింది. చివర్లో రామ్‌ నరేష్‌ శరవణ్‌(36 పరుగులు), రిడ్లే జాకబ్స్‌ (25 పరుగులు) చేసి స్కోర్‌ నుపెంచారు. ఆ తర్వాత బ్యాటింగ్‌ చేపట్టిన దక్షిణాఫ్రికా వెంటవెంటనేవికెట్లు కోల్పయి కష్టాల్లో కూరుక్కుపోయింది.

జాంటీ రోడ్స్‌, బోయెట్‌ ల అధ్భుతమైన భాగస్వామ్యంతో తేరుకోగలగింది. 4వవికెట్‌ కు 115 పరుగుల భాగస్వామ్యంతో వీరు ఇరువరూ దక్షిణాఫ్రికాను గట్టెక్కించారు. అయితే, ఆఖర్లో కార్ల్‌ హూపర్‌ వెంటవెంటనే రెండువికెట్లు పడగొట్టడంతో వెస్టిండీస్‌ విజయం ఖాయం అనుకున్నారు. దక్షిణాఫ్రికా చివరి బ్యాట్స్‌ మెన్‌ సమర్ధంగా నిలదొక్కుకోవడంతోవిజయం వారినే వరించింది. 61 పరుగులు చేసిన జాంటీ రోడ్స్‌ కు మ్యాన్‌ ఆఫ్‌ ది మ్యాచ్‌ దక్కింది.