అంచనాలు తప్పాం: చంద్రబాబు

హైదరాబాద్‌:విద్యుత్‌ లభ్యత, కరవు పరిస్థితులపై అంచనాలు తప్పామని ముఖ్యమంత్రి నారా చంద్రబాబునాయుడుఅంగీకరించారు. సింహాద్రి, ఎన్‌టిపిసిల నుంచి వచ్చేవిద్యుత్‌పై, వర్షాలపై ఆశలు పెట్టుకుని అంచనాలు వేసుకున్నామని, ఆఅంచనాలు తప్పాయని ఆయన బుధవారం విలేకరుల సమావేశంలో అన్నారు.

ఆగస్టు నాటికి వర్షాలు పడి జలాశయాలకు నీరుఅందుతుందని, విద్యుత్‌ వాడకం తగ్గుతుందని అనుకున్నామని, అది జరగలేదని, దీంతో పరిస్థితి తారుమారయిందని ఆయన అన్నారు. సాగునీరు,విద్యుత్‌ సమస్యలను ఆసరగా తీసుకుని కాంగ్రెస్‌ రైతులను రెచ్చగొడుతోందని ఆయనవిమర్శించారు. ఆస్తులను ధ్వంసం చేస్తున్నారని, ప్రజల ఆస్తులను ధ్వంసం చేస్తే ఆ భారం ప్రజలపైనే పడుతుందని ఆయన అన్నారు. ప్రజాస్వామికంగా ఉద్యమాలు చేయవచ్చునని, ప్రజలను చైతన్యవంతులను చేయవచ్చునని, ఆస్తులను ధ్వంసం చేయడం సరి కాదని ఆయన అన్నారు.