మణిని పంపాలనివీరప్పన్‌ డిమాండ్‌

బెంగుళూర్‌: మాజీ మంత్రి హెచ్‌. నాగప్ప విడుదల కోసం తమిళ ఉద్యమ కార్యకర్త కొలత్తూరు మణిని ఎనిమిది రోజుల లోగా తన వద్దకు దూతగా పంపాలని అడవిదొంగవీరప్పన్‌ డిమాండ్‌ చేశాడు.

వీరప్పన్‌ పంపిన మూడో క్యాసెట్‌నుసీనియర్‌ పోలీసులతో పాటు విన్న తర్వాత కర్ణాటక హోం మంత్రి మల్లికార్జున్‌ కార్గే శనివారంవిలేకరులతో ఆ విషయం చెప్పారు. కావేరీ జలాలవివాదంపై పాదయాత్ర చేస్తున్న ముఖ్యమంత్రి ఎస్‌.ఎం. కృష్ణతో చర్చించిన అనంతరం ఈవిషయంపై నిర్ణయం తీసుకోనున్నట్లు ఆయన తెలిపారు.వీరప్పన్‌ గడువు విధించాడా అని అడిగితే ఎనిమిది రోజులలోగా మణిని పంపాలని డిమాండ్‌ చేశాడని ఆయన జవాబిచ్చారు.

మణి కర్ణాటకలోని బళ్లారి జైలులో ఉన్నాడు. గతంలోవీరప్పన్‌ నుంచి కన్నడ సినీ నటుడు రాజ్‌కుమార్‌ను విడిపించడంలో తమిళ జాతీయోద్యమ నేత నెడుమారన్‌తో పాటు మణి కూడా ప్రధాన పాత్ర పోషించాడు.