రజనీ దీక్ష ఒక రోజు వాయిదా

చెన్నై: తమిళనాడుకు కావేరి జలాలను విడుదల చేయాలని డిమాండ్‌ చేస్తూ తలపెట్టిన నిరశన దీక్షను తమిళ సూపర్‌స్టార్‌ రజనీకాంత్‌ ఒక రోజు వాయిదా వేసుకున్నారు. ఆయన ఈ నెల 12వ తేదీన దీక్ష చేపట్టాలని నిర్ణయించుకున్నారు. అయితే, తాజా నిర్ణయం మేరకు 13వ తేదీన ఆయన దీక్ష చేపడతారు.

దక్షిణ భారత ఫిల్మ్‌ ఆర్టిస్టుల సంఘం అధ్యక్షుడువిజయ్‌కాంత్‌ విజ్ఞప్తి మేరకు తన నిరశన దీక్ష తేదీని మార్చుకున్నట్లు రజనీకాంత్‌ ఒక ప్రకటనలో తెలిపారు. దీక్షలో సినీ కళాకారులు పాల్గొనడానికివీలుగా ఒక రోజు వాయిదా వేసుకోవాలని విజయ్‌కాంత్‌ గురువారం రాత్రి రజనీకాంత్‌నుకోరారు. నైవేలీ థర్మల్‌ పవర్‌ ప్లాంట్‌ నుంచి కర్ణాటకకువిద్యుత్‌ సరఫరాను ఆపేయాలని డిమాండ్‌ చేస్తూ 12వ తేదీన తమిళ సినీ పరిశ్రమ నైవేలీలో ర్యాలీ తలపెట్టింది.