తమ్ముడిపై బాబు చర్య?

హైదరాబాద్‌: ముఖ్యమంత్రి చంద్రబాబు నాయుడు తన తమ్ముడు నారా రామ్మూర్తి నాయుడుపై గరంగా ఉన్నారు. రాజకీయాలకు దూరంగా ఉంటున్నాని ప్రకటిస్తూనే...చంద్రగిరిలో ఆదివారం జరిగిన ఓ ర్యాలీలో పాల్గొని చంద్రబాబును రామ్మూర్తి నాయుడు ఇరకాటంలో పెట్టారు. అయితే, రామ్మూర్తిపై బాబు ఎలాంటి చర్య తీసుకోవాలో తేల్చుకోలేకపోతున్నాడు.

పార్టీతో పెద్దగా సంబంధం లేని రామ్మూర్తిపై రాజకీయ చర్య తీసుకోలేం కాబట్టి వ్యక్తిగతంగా గట్టిగా మందలించవల్సిందిగా బాబుకు పార్టీ సీనియర్‌ నేతలు బుధవారం సూచించారు. బుధవారం బాబును కల్సిన కొంత మంది సీనియర్‌ నేతలు రామ్మూర్తి విషయమై సుదీర్ఘంగా చర్చించనట్లు తెలిసింది.