నెల్లూరు జలమయం, భారీ వర్షాలు

నెల్లూరు: బంగాళఖాతంలో అల్పపీడన ద్రోణి బలపడడంతో దక్షిణా కోస్తా జిల్లాల్లో రెండు రోజులుగా భారీ వర్షాలు పడుతున్నాయి. ముఖ్యంగా నెల్లూరులో కుండపోతగా వర్షాలు కురుస్తున్నాయి. నెల్లూరు పట్టణం పూర్తిగా జలమయమైంది. శనివారం నెల్లూరు పట్టణంలో 19 సెం.మీల వర్షపాతం నమోదైంది. కావలిలో 9 సెం.మీల వర్షపాతం నమోదైంది.

ద్రోణికి తోడు ఈశాన్య రుతుపవనాలు జోడవ్వడం వల్లే వర్షాల కురుస్తున్నాయని వాతావరణ పరిశోధన శాఖ తెలిపింది. నెల్లూరులో డ్రైనేజీ సమస్య వల్ల పట్టణం అంతా నీరుతో నిండిపోయింది. లోతట్టు ప్రాంతాల్లో ఇళ్ళలోకి పూర్తిగా నీరు వచ్చింది. అధికారులు పునరావాస కార్యక్రమాలను చేపడుతున్నారు.