మైనార్టీ సీట్లు అమ్ముకుంటే చర్య

హైదరాబాద్‌: మెరిట్‌ విద్యార్థులను పక్కనపెట్టి మైనార్టీ కాలేజీల యాజమాన్యాలు సీట్లు అమ్ముకుంటే కఠిన చర్యలు తీసుకుంటామని ప్రభుత్వం హెచ్చరించింది. బీఇడి కాలేజీల్లో అడ్మిషన్ల ప్రక్రియ ప్రారంభమైన సందర్భంగా పాఠశాల విద్యాశాఖ మంత్రి మండవ వెంకటేశ్వరరావు మాట్లాడుతూ..మైనార్టీ కాలేజీల యజమాన్యాల తీరుపై ఓ కన్నేసి ఉంచామన్నారు.

మెనార్టీ బిఇడి కాలేజీలపై ఫిర్యాదుల అధికంగా రావడంపై ఆయన స్పందించారు. మైనార్టీ కాలేజీల యాజమాన్యాలు విద్యార్థులను చేర్చుకోవడంలో స్వేచ్ఛ ఉన్నప్పటికీ, అది కూడా నిబంధనలు లోబడే జరగాలని ఆయన స్పష్టం చేశారు.