తెలంగాణ అంశంపై పేచీలేదు: దిగ్విజయ్‌

చెన్నై: తమిళనాడు ముఖ్యమంత్రి, అన్నాడియంకె నేత జయలలిత మాట మార్చారు. కాంగ్రెస్‌కు, భారతీయ జనతా పార్టీ (బిజెపి)కి సమాన దూరం పాటిస్తామని శుక్రవారంనాడు ప్రకటించిన జయలలిత వచ్చే లోక్‌సభ ఎన్నికల్లో ఇతర రాజకీయ పార్టీలతో పొత్తుపెట్టుకోవడానికి తాము వ్యతిరేకం కాదని శనివారంనాడు ప్రకటించారు.

కాంగ్రెసేతర, బిజెపియేతర ఫ్రంట్‌ గురించి ఇంతకు ముందు చేసిన ప్రకటన గురించివిలేకరులు ప్రస్తావించగా రాజకీయాలంటేనే మార్పులు, సడలింపులు అని ఆమె అన్నారు. వచ్చే ఎన్నికలకు సంబంధించి ప్రధాని వాజ్‌పేయి గానీ, ఉప ప్రధాని అద్వానీ గానీమిమ్ముల్ని సంప్రదించారా అని అడిగిన ప్రశ్నకు జవాబు ఇవ్వడానికి ఆమె నిరాకరించారు. తాను ఏమీ చెప్పలేనని, ఏదైనా చెప్పాలనుకుంటే తప్పకుండా చెప్తానని ఆమె అన్నారు.

వచ్చే లోక్‌సభ ఎన్నికల్లో తాము ఒంటరిగా పోటీ చేస్తామని జయలలిత శుక్రవారంనాడు ప్రకటించారు. లోక్‌సభలో పార్టీ గొంతువినిపిస్తే తప్ప రాష్ట్ర ప్రయోజనాలను నెరవేర్చుకోలేమని ఆమె అన్నారు.