మేనేజ్‌మెంట్‌ కోటా పెంపు విద్యార్థులన నిరసన

హైదరాబాద్‌: మైనారిటీ బి. ఇడి. కాలేజీల్లో యాజమాన్యం కోటా పెంపునకు సోమవారం పెద్ద యెత్తున నిరసన వెల్లువెత్తింది. వరంగల్‌లో బి. ఇడి. కౌన్సెలింగ్‌ కేంద్రం వద్ద బారతీయ విద్యార్థి పరిషత్‌ ( ఎబివిపి) విద్యార్థులు ధర్నా నిర్వహించారు. అనంతరం కార్యాలయంలోకి చొరబడి విధ్వంసం సృష్టించారు. ఫర్నీచర్‌ను ధ్వంసం చేశారు. కౌన్సెలింగ్‌ను అడ్డుకున్నారు. పోలీసులు లాఠీ ఛార్జి చేశారు.

హైదరాబాద్‌లోని సాంకేతిక భవన్‌ వద్ద భారత విద్యార్థి సమాఖ్య ( ఎస్‌యఫ్‌ ఐ) ఆధ్వర్యంలో ధర్నా చేశారు. పోలీసులు ఆందోళనకారులపై లాఠీచార్జి చేశారు. ఉస్మానియా విశ్వవిద్యాలయంలో ఎబివిపి ఆధ్వర్యంలో ఆందోళన చేపట్టారు. విశ్వవిద్యాలయ పరిధిలోని బి. ఇడి. కళాశాలల్లో ఫీజు పెంపును కూడా విద్యార్థులు నిరసిస్తున్నారు.