దేశంలోనే అతిపెద్ద పొలిటికల్ పోల్: ఈ సర్వేలో మీరు పాల్గొన్నారా?
  • search

రాష్ట్రంలో పెట్రో మంటలు: విపక్షాల ఆందోళన

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    హైదరాబాద్‌: పెట్రోల్‌, డీజిల్‌ ధరల పెంపునకు నిరసనగా విపక్షాలు రాష్ట్ర వ్యాప్తంగా మంగళవారంనాడు ఆందోళనకు దిగాయి. రాస్తారోకోలు, ప్రదర్శనలు, ధర్నాలు నిర్వహించాయి. మాజీ హోం మంత్రి టి. దేవేందర్‌ గౌడ్‌ నేతృత్వంలో తెలుగుదేశం పార్టీ కార్యకర్తలు సైకిల్‌ ర్యాలీ నిర్వహించారు. హైదరాబాద్‌లోని ఎర్రమంజిల్‌ కాలనీ నుంచి లక్టీకా పూల్‌ వరకు ఈ ర్యాలీ జరిగింది. అనంతరం రంగారెడ్డి జిల్లా కలెక్టరేట్‌ వద్ద ధర్నా నిర్వహించారు. పెట్రోల్‌, డీజిల్‌ ధరలు తగ్గించేవరకు తమ ఆందోళన కొనసాగుతుందని దేవేందర్‌ గౌడ్‌ హెచ్చరించారు. కలెక్టర్‌ కార్యాలయం వద్ద టిడిపి కార్యకర్తలు దిష్టిబొమ్మను దగ్ధం చేశారు.

    శాసనసభ్యుడు జి. కిషన్‌ రెడ్డి నాయకత్వంలో భారతీయ జనతా పార్టీ కార్యకర్తలు హైదరాబాద్‌లో ఎడ్లబండ్లతో ర్యాలీ నిర్వహించారు. యుపి ఎ ప్రభుత్వానికి మద్దతు ఉపసంహరించుకోవాలని కిషన్‌ రెడ్డి వామపక్షాలను డిమాండ్‌ చేశారు. ఒక వైపు యుపి ఎకు మద్దతు ఇస్తూ మరో వైపు వామపక్షాలు ఆందోళనలు నిర్వహించడం హాస్యాస్పదమని ఆయన అన్నారు. సిపియం కార్యకర్తలు హైదరాబాద్‌లో ఆటోలను లాగుతూ వినూత్న ప్రదర్శన నిర్వహించారు. సిపి ఐ కార్యకర్తలు కేంద్ర మంత్రి మణిశంకర్‌ అయ్యర్‌ దిష్టిబొమ్మను దగ్ధం చేశారు.

    పశ్చిమ గోదావరి జిల్లా ఏలూరులో తెలుగుదేశం నాయకుడు గారపాటి సాంబశివరావు ఎడ్ల బండిపై ధర్నా కార్యక్రమానికి రాగా, మరో నాయకుడు జయరాజ్‌ రిక్షా తొక్కుతూ వచ్చారు. ఖమ్మంలో తెలుగుదేశం పార్టీ కార్యకర్తలు రాస్తారోకో నిర్వహించి యుపిఎ దిష్టిబొమ్మను దగ్ధం చేశారు. విశాఖపట్నంలో సి ఐటియు కార్యకర్తలు ఆటోలను రిక్షాలో వేసుకుని ర్యాలీ నిర్వహించారు.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more