ముజీబ్‌ బావమరిది జహంగీర్‌ అరెస్టు?

హైదరాబాద్‌: ముస్లిం తీవ్రవాద కార్యకలాపాలకు సంబంధించి హైదరాబాద్‌ పోలీసులు మరొకరిని అరెస్టు చేసినట్లు సమాచారం. లష్కర్‌ - ఎ - తోయిబా నేత ముజీబ్‌ బావమరది జహంగీర్‌ను పోలీసులు అరెస్టు చేసినట్లు తెలుస్తోంది. ముజీబ్‌ నుంచి క్యాసెట్లను తీసికెళ్లి లష్కర్‌ - ఎ - తోయిబా ఛీఫ్‌ మసూద్‌కు చేరవేయడంలో జహంగీర్‌ కీలక పాత్ర పోషించినట్లు పోలీసులు అనుమానిస్తున్నారు. ఈ విషయమై పోలీసులు జహంగీర్‌ను విచారించే అవకాశం ఉంది.

ఇదిలావుంటే, బెంగుళూర్‌లోని ఐఐయస్‌సిపై దాడి కేసులో అరెస్టయిన అబ్దుల్‌ రెహ్మాన్‌ ఇంటిలో పోలీసులు తనిఖీలు నిర్వహించినట్లు సమాచారం. నల్లగొండలోని రెహ్మాన్‌ ఇంటిలో పోలీసులు తనిఖీలు నిర్వహించారు.