పాత భవంతిలో పేలుడు: ఒకరి మృతి

విజయవాడ: బందరు లాకుల వద్ద ఒక పాత భవంతిలో మంగళవారం పేలుడు సంభవించింది. ఈ పేలుడుకు భవంతి కుప్పకూలింది. అందులో ఉన్న వ్యక్తి మరణించాడు. మరో వ్యక్తి గాయపడ్డాడు. గ్యాస్‌ సిలిండర్‌ పేలి ఈ ప్రమాదం సంభవించిందని మొదట భావించారు. అయితే అందులో గ్యాస్‌ సిలిండర్‌ ఏదీ లేదని ప్రత్యక్ష సాక్షులు చెప్పడంతో ప్రమాదానికి గల కారణాలను అన్వేషించే పనిలో పోలీసులు పడ్డారు.

ఆ పాత భవంతిలో పాత సామాను ఉంటుందని అంటున్నారు. ఆ పాత సామానులో బాంబులు ఏవైనా పెట్టి వుండవచ్చుననే అనుమానాలు వ్యక్తమవుతున్నాయి. ఈ కోణంలో పోలీసులు తమ దర్యాప్తును సాగిస్తున్నారు.