అసభ్య ప్రవర్తనతో యువతులను హడలెత్తించిన మరో సైకో

హైదరాబాద్: హైదరాబాదులోని నారాయణగుడా ఫ్లై ఓవర్ వద్ద ఒక యువతిపై ప్రేమోన్మాది దాడి చేసిన ఘటన జరిగి 24 గంటలు గడవకముందే మరో ఉన్మాది అసభ్య ప్రవర్తనతో యువతులను హడలెత్తించాడు. ఈ సంఘటన శనివారం నాడు గచ్చీబౌలీ ప్రాంతంలో చోటు చేసుకుంది. అస్సాంకు చెందిన అజహర్ అనే ఉన్మాది పార్క్ లలోకి సేద తీరడానికి వచ్చిన యువతుల పట్ల అసభ్యంగా ప్రవర్తిస్తూ హడలెత్తించాడు. యువతుల వద్ద ఉన్న బ్యాగులను లాక్కొన్నాడు. ఈ ఉన్మాది తీరుకు బెదిరిన యువతులు పార్క్ వదిలి పరిగెత్తారు. ఇతని విపరీత ప్రవర్తనను గమనించిన స్థానికులు పట్టుకొని పోలీసులకు అప్పగించారు. అజర్ మాటలు విన్న పోలీసులు సైతం నోరు వెళ్లబెట్టక తప్పని పరిస్థితి అయింది.