సిఎంగా మోడీ ప్రమాణ స్వీకారం

అహ్మదాబాద్: గుజరాత్ ముఖ్యమంత్రిగా నరేంద్ర మోడి మంగళవారం ప్రమాణ స్వీకారం చేశారు. గుజరాతీ భాషలో ఆయన ప్రమాణ స్వీకారంచేశారు. ఈ ప్రమాణ స్వీకారోత్సవానికి భారతీయ జనతా పార్టీ (బిజెపి) నాయకులు తరలివచ్చారు. ఎల్.కె. అద్వానీ, రాజ్ నాథ్ సింగ్, ఎం. వెంకయ్యనాయుడు, అరుణ్ జైట్లీ తదితర బిజెపి నాయకులతో పాటు బిజెపి పాలిత రాష్ట్రాల ముఖ్యమంత్రులు ఈ కార్యక్రమానికి హాజరయ్యారు.

సర్దార్ పటేల్ స్టేడియంలో వేలాదిగా తరలివచ్చిన బిజెపి కార్యకర్తలు, అభిమానుల సమక్షంలో నరేంద్ర మోడీ ప్రమాణ స్వీకారం చేశారు. ఇది మాజీ ప్రధాని వాజ్ పేయికి జన్మదిన కానుక అని బిజెపి నాయకులు అంటున్నారు. ప్రమాణ స్వీకారం చేసిన అనంతరం ఆయన అద్వానీ, రాజ్ నాధ్ సింగ్ తదితరులతో కలిసి ఓపెన్ టాప్ జీపులో అభివాదం చేస్తూ మైదానంలో కలియతిరిగారు.