గోనె ఆత్మహత్య చేసుకుంటాడా?: ఎమ్మెస్సార్

హైదరాబాద్: గతంలో 1969లో జరిగిన ప్రత్యేక తెలంగాణ ఉద్యమంలో తాను దెబ్బలు తిన్నట్లు రుజువు చేస్తానని, మాజీ ఆర్టీసి చైర్మన్ గోనె ప్రకాశరావు ఆత్మహత్య చేసుకుంటారా అని ఆర్టీసి చైర్మన్, సీనియర్ కాంగ్రెస్ శాసనసభ్యుడు ఎం. సత్యనారాయణరావు అన్నారు. ప్రత్యేక తెలంగాణ ఉద్యమంలో కాంగ్రెస్ పార్టీ నాయకులు ఎం. సత్యనారాయణరావు గానీ జి. వెంకటస్మామి గానీ దెబ్బలు తిన్నట్లు రుజువు చేసుకుంటే తాను ఆత్మాహుతి చేసుకుంటానని గోనె ప్రకాశరావు ఆవేశంగా కరీంనగర్ లో అన్నారు. దీనిపై సత్యనారాయణరావు బుధవారం తీవ్రంగా ప్రతిస్పందించారు.

ప్రత్యేక తెలంగాణ ఉద్యమంలో తన తలపై గాయమైందని, అది ఇంకా ఉందని, కావాలంటే చూపిస్తానని సత్యనారాయణరావు అన్నారు. వెంకటస్వామితో తనకు సంబంధం లేదు గానీ తాను దెబ్బలు తిని ఆస్పత్రి పాలు కూడా అయ్యాయనని ఆయన చెప్పారు. ఆ దెబ్బలు ఇంకా పోలేదని ఆయన అన్నారు.