కెసీఆర్ మేనల్లుడి ఇంట్లో నాగబాబు

కరీంనగర్: చిరంజీవి పార్టీకి పునాదులు వేయడానికి రాష్ట్రమంతటా పర్యటిస్తున్న ఆయన సోదరుడు నాగబాబు సోమవారం రాత్రి తెలంగాణ రాష్ట్ర సమితి అదినేత చంద్రశేఖరరావు మేనల్లుడు ఇచ్చిన విందుకు హాజరు కావడం రాజకీయ వర్గాల్లో సంచలనం సృష్టించింది.

చిరంజీవి ప్రత్యేక తెలంగాణ రాష్ట్రానికి అనుకూలంగా ఉంటారని, టీఅర్ ఎస్ తో పొత్తు పెట్టుకుంటారని వార్తలు, వదంతులు వస్తున్న నేపధ్యంలో నాగబాబు కరీంనగర్ లో ఈ పార్టీకి హాజరు కావడం ప్రాముఖ్యత సంతరించుకుంది.
నాగబాబు సోమవారం ఆదిలాబాద్ జిల్లా మంచిర్యాల, కరీంనగర్ జిల్లా గోదావరిఖని, సిరిసిల్ల,కరీంనగర్ పట్టణాల్లో చిరంజీవి అభిమానుల సమావేశాలను నిర్వహించారు. మదుసూదనరావు ఇంట్లో విందుకు హాజరైన నాగబాబు మీడియా ప్రతినిధులపై అసహనం వ్యక్తం చేశారు. విందు చేయకుండా అక్కడి నుంచి నిష్క్రమించారు.