బాలిక గొంతు కోసిన ఉన్మాది

మహబూబ్ నగర్: ఒక ఉన్మాది మహబూబ్ నగర్ లో ఒక థియేటరులో ఒక అమ్మాయి గొంతు కోశాడు. అతన్ని థియేటర్ సిబ్బంది పట్టుకుని పోలీసులకు అప్పగించారు. గాయపడిన అమ్మాయిని ఆస్పత్రిలో చేర్చారు. ఈ దాడిలో అమ్మాయి స్వల్పంగానే గాయపడిందని చెబుతున్నారు. తొమ్మిదో తరగతి చదువుతున్న లలిత వెంట గద్వాలలో గాజుల వ్యాపారం చేసే శ్రీనివాస్ ఆదివారంనాడు సినిమాకు వచ్చాడు. ఇద్దరు థియేటరులో గొడవ పడి వెళ్లిపోయారు.

సోమవారం తిరిగి ఆ అమ్మాయి వెంట శ్రీనివాస్ సినిమాకు వచ్చాడు. తిరిగి ఆమెతో అతను గొడవ పడ్డాడు. దీంతో అతన్ని సిబ్బంది బయటకు పంపారు. కొద్దిసేపటి తర్వాత తిరిగి వచ్చిన అతను ఆమెపై దాడి చేశాడు. వెంటనే థియేటర్ సిబ్బంది పట్టుకుని అతన్ని పోలీసులకు అప్పగించారు.