మా పాలనను బేరీజు వేస్తారు: వైయస్

న్యూఢిల్లీ: తెలంగాణలో ఉప ఎన్నికలు సెంటిమెంటుకు, అభివృద్ధికి మధ్య కాదని ముఖ్యమంత్రి డాక్టర్ వైయస్ రాజశేఖర రెడ్డి అన్నారు. తమ నాలుగేళ్ల పాలనను ప్రజలు బేరీజు వేస్తారని ఆయన ఒక ప్రైవేట్ టీవీ చానెల్ కు ఇచ్చిన ఇంటర్వ్యూలో అన్నారు. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు కొత్తగా తెలంగాణ సెంటిమెంటును నిరూపించుకోవాలనుకోవడం సరి కాదని ఆయన అన్నారు.

తెలుగుదేశం పార్టీ తమకు బద్ధశత్రువు అని, ఆ పార్టీతో ఎలా అవగాహనకు వస్తామని ఆయన అన్నారు. ఉప ఎన్నికల వల్ల తెలంగాణలో అభివృద్ధి ఆగిపోయిందని ఆయన అన్నారు. కరీంనగర్ లోకసభ ఉప ఎన్నిక జరిగిననాటి పరిస్థితులు ఇప్పుడు లేవని ఆయన అన్నారు. మిత్రపక్షాలు దూరమైనా తమకేమీ ఇబ్బంది లేదని ఆయన అన్నారు. న్యూఢిల్లీలో ఉన్న ఆయన శుక్రవారం సాయంత్రం ప్రధాని మన్మోహన్ సింగ్ ను కలిశారు. ఉపాధ్యాయుల సర్వీసు రూల్స్ పై, రెండు రూపాయలకు కిలో బియ్యం పథకంపై ఆయన ప్రధానితో చర్చించారు.