కాలిపోయిన స్వామివారి గొడుగు

తిరుమల: మలయప్ప స్వామి వైభవోత్సవం మంటపంలో శ్రీవారి గొడుగు కాలిపోయింది. శుక్రవారం మధ్యాహ్నం వైభవోత్సవ మంటపంలో వసంతోత్సవం జరుగుతుండగా ఈ సంఘటన చోటు చేసుకుంది. పంచముఖి దివిటీల వల్ల ఈ ప్రమాదం సంభవించినట్లు భావిస్తున్నారు. దివిటీల నుంచి నిప్పురవ్వలు ఎగిసిపడి గొడుగు కాలిపోయిందని చెబుతున్నారు. కాలిపోయిన గొడుగును మంటపం వెనక దాచిపెట్టారు.

రెండు నెలలకు ఒకసారి గొడుగు మారుస్తామని, గొడుగు పాక్షికంగా దెబ్బ తిన్నదని, ఇందులో అపశృతి ఏమీ లేదని తిరుమల తిరుపతి దేవస్థానం (టిటిడి) ప్రత్యేకాధికారి ధర్మారెడ్డి అన్నారు. ఎండ తీవ్రత వల్లనే గొడుగు కాలిపోయిందని ఆయన అన్నారు. తిరుమలలో వరుస అపశృతుల పట్ల భక్తులు ఆందోళన చెందుతున్నారు.