పదో తరగతి వారికీ 5 వేల ఉద్యోగం: వైఎస్

నెల్లూరు: పదో తరగతి వరకు చదివి ఆపై చదవలేక ఆపేసిన నిరుద్యోగులకు 5 వేల రూపాయల ప్రారంభ వేతనంతో ఉద్యోగావకాశాలు కల్పిస్తామని ముఖ్యమంత్రి రాజశేఖరరెడ్డి గురువారం హామీ ఇచ్చారు. నెల్లూరు జిల్లా మేనకూరులో ఆటో మొబైల్ యూనిట్ కు భూమి పూజ చేసిన సందర్భంగా ఏర్పాటు చేసిన కార్యక్రమంలో వైఎస్ ప్రసంగించారు.

రాష్ట్రంలో పారిశ్రామిక విప్లవం కొనసాగుతోందని, పారిశ్రామిక వాడల ద్వారా పదో తరగతి చదివిన వారికి కూడా 5 వేల రూపాయల ప్రారంభ వేతనంతో ఉద్యోగాలు కల్పిస్తామని ఆయన చెప్పారు. ప్రభుత్వం చేపడుతున్న అభివృద్ధి కార్యక్రమాలను సద్వినియోగం చేసుకోవాలని ఆయన పిలుపునిచ్చారు.