రాజశేఖర్ ఆఫీసులో దొంగతనం

హైదరాబాద్: ప్రముఖ సినీ నటుడు రాజశేఖర్ కార్యాలయంలో బుధవారం అర్ధరాత్రి దొంగతనం జరిగింది. జూబిలీహిల్స్ లోని ఫిల్మ్ నగరులో ఉన్న ఆయన కార్యాలయంలోకి దుండుగులు ప్రవేశించి దొంగతనానికి పాల్పడ్డారు. దుండగులు కంప్యూటరును ధ్వంసం చేశారు. పలు సిడిలను, కీలక పత్రాలను ఎత్తుకెళ్లారు. సమాచారం తెలిసిన రాజశేఖర్, జీవిత దంపతులు పోలీసులకు ఫిర్యాదు చేశారు.

పథకం ప్రకారమే ఎవరో దొంగతనం చేయించారని, దొంగతనం కోసం వచ్చినవారికి కంప్యూటర్ ధ్వంసం చేయాల్సిన అవసరం ఏముంటుందని రాజశేఖర్ భార్య జీవిత అన్నారు. బతుకు దెరువు కోసం దొంగతనం చేసేవారికి సిడీలు, పత్రాలతో పనేముంటుందని, ఇది కావాలనే ఎవరో చేయించారని ఆమె అన్నారు.