విజయరామారావు అరెస్టు, విడుదల

హైదరాబాద్: వరంగల్ జిల్లా స్టేషన్ ఘనపూర్ తెలంగాణ రాష్ట్ర సమితి (తెరాస) అభ్యర్థి విజయరామారావును పోలీసులు అరెస్టు చేసి విడుదల చేశారు. కాంగ్రెసు పార్టీవారు నమూనా బ్యాలెట్ పేపర్లు ముద్రించి పంచుతున్నారని ఆరోపిస్తూ ఆయన ధర్మసాగర్ ఓ పోలింగ్ బూత్ కు అడ్డంగా పడుకుని ధర్నాకు దిగారు. పోలింగును అడ్డుకున్నారు. దీంతో పోలీసులు ఆయనను అరెస్టు చేశారు. దీంతో తెరాస కార్యకర్తలు ఆందోళనకు దిగారు. అనంతరం ఆయనను పోలీసులు విడుదల చేశారు.

ఆ తర్వాత కూడా విజయరామారావు ధర్నాను కొనసాగిస్తున్నారు. అంబేడ్కర్ విగ్రహం వద్ద ఆయన ధర్నాకు దిగారు. కాంగ్రెస్ అక్రమాలను అడ్డుకుంటామని విజయరామారావు చెప్పారు. హస్తం గుర్తులు ఉన్న పోలింగ్ చీటీలను కాంగ్రెస్ వారు పంచుతున్నారని ఆయన ఆరోపిస్తున్నారు.