తెలంగాణపై సరైన నిర్ణయం: బాబు

విజయవాడ: తెలంగాణపై సరైన సమయంలో సరైన నిర్ణయం తీసుకుంటామని తెలుగుదేశం అధ్యక్షుడు నారా చంద్రబాబునాయుడు చెప్పారు. తాము వేసిన ఐదుగురు సభ్యుల కమిటీ నివేదిక సమర్పించగానే చర్చించి తగిన నిర్ణయం తీసుకుంటామని ఆయన సోమవారం మీడియా ప్రతినిధుల సమావేశంలో చెప్పారు. ప్రజలు తమపై నమ్మకం ఉంచి ఉప ఎన్నికల్లో తమను గెలిపించారని ఆయన అన్నారు. మరో రెండు మూడు చోట్ల గెలిచి ఉండేవారని, సంస్థాగత లోపాల వల్ల గెలవలేకపోయామని, ఆ లోపాలను సరిదిద్దుతామని ఆయన అన్నారు.

2009 ఎన్నికల్లో విజయం తమదేనని ఆయన ధీమా వ్యక్తం చేశారు. ఉప ఎన్నికల్లో కాంగ్రెస్ కన్నా తమకే ఎక్కువ ఓట్లు వచ్చాయని, కాంగ్రెస్ అధికారాన్ని, డబ్బులను వినియోగించారని ఆయన అన్నారు. ఎన్నికల్లో అవకతవకలు కూడా జరిగాయని ఆయన అన్నారు. కాంగ్రెస్ పార్టీకి తమ కార్యకర్తలు మంచి పోటీ ఇచ్చారని ఆయన అన్నారు.