తెలంగాణపై చర్చ జరగాలి: బాబు

కాకినాడ: తెలంగాణ అంశంపై చర్చ జరగాల్సిందేనని తెలుగుదేశం పార్టీ అధ్యక్షుడు నారా చంద్రబాబునాయుడు అన్నారు. చంద్రబాబు మీ కోసం చైతన్య యాత్ర మంగళవారంనాడు తూర్పు గోదావరి జిల్లాలో సాగింది. తెలంగాణపై ప్రజల్లో విస్తృత చర్చ జరగాలని, ఈ చర్చ జరిగిన తర్వాతనే నిర్ణయం తీసుకుంటామని ఆయన చెప్పారు. తెలంగాణపై వేసిన కమిటీ త్వరలోనే సమావేశమవుతుందని ఆయన చెప్పారు.

రైతులకు విత్తనాలు, ఇవ్వరని ఆయన ప్రభుత్వంపై విమర్శ చేశారు. మంత్రి ధర్మాన ప్రసాదరావు సమావేశంలో ఒక రైతు నాయకుడిపై పోలీసులు దాడి చేయడాన్ని ఆయన తీవ్రంగా తప్పు పట్టారు. రేపు తెలుగుదేశం పార్టీ పోలిట్ బ్యూరో సమావేశం కాకినాడలో జరుగుతుంది. సంస్థాగత వ్యవహారాలపై, రాజకీయ పరిణామాలపై ఈ సమావేశంలో చర్చిస్తారు.